ပိူင်ပဵၼ်ၸၢတ်ႈပၢၼ်
ၵူၼ်းႁဝ်းၵူႈၵေႃႉပိူင်ႈပႅၵ်ႇၵၼ်၊မီးၵၢၼ်တူဝ်ထူပ်းပိူင်ႈၵၼ်ဝႆႉ။ သမ်ႉဝႃႈႁဝ်းယူႇထင်ၼႂ်းၽုင်မုၵ်ႉၸုမ်းဢၼ်ယႂ်ႇ လူင်တင်းၼမ်သေတႃႉၵေႃႈ တၢင်းႁၼ်ထိုင်ႁဝ်း၊ တၢင်းယိူင်းဢၢၼ်းႁဝ်းပိူင်ႈၵၼ်ဝႆႉယူႇ။
ယွၼ်ႉပိူဝ်ႈၸိူင်ႉၼၼ် ႁဝ်းၵူႈၵေႃႉမီးလွင်ႈပိုၼ်းပိတ်းပွတ်းဢၼ်ထုၵ်ႇလီလၢတ်ႈၼႄၵၼ်ယူႇ။ ႁဝ်းထုၵ်ႇလီ လဵပ်ႈႁဵၼ်းဢဝ်တၢင်းႁူႉ တီႈပိူၼ်ႈတၢင်ႇၵေႃႉယဝ်ႉ ပိူၼ်ႈတၢင်ႇၵေႃႉၵေႃႈ ထုၵ်ႇလီလႆႈလဵပ်ႈႁဵၼ်းဢဝ်တၢင်း ႁူႉတီႈတူဝ်ႁဝ်းၼၼ်ႉယဝ်ႉ။ ႁဝ်းထုၵ်ႇလီၸႅၵ်ႇၽႄတၢင်းႁူႉပၼ်ၵၼ် ၵေႃႉၼိုင်ႈလႄႈၵေႃႉၼိုင်ႈလႅၵ်ႈလႆၢႈ ပိၼ်ႇၵၼ် ႁဵတ်းၼႆသေ ထုၵ်ႇလီလႆႈလၢတ်ႈဢပုမ်ႇပိုၼ်းဝၼ်းလင် ဢၼ်ၸိူဝ်းႁဝ်းလႆႈထူပ်းမႃး၊လႆႈႁဵၼ်းမႃး ၸိူဝ်းၼၼ်ႉၶိုၼ်းၶႆႈၼႄႈၵၼ်ယဝ်ႉ။
ဢဝ်ၸွမ်းၼင်ႇႁဝ်းပဵၼ်လႆႈ၊ၵႃႈၼင်ႇႁဝ်းတွင်းလႆႈ ယွၼ်ႉပိူဝ်ႈဝႃႈၵူႈလွင်ႈဢၼ်ပဵၼ်ပူၼ်ႉမႃးၼၼ်ႉ ႁဝ်းဢမ်ႇ တွင်းဝႆႉၵူႈလွင်ႈၵူႈပိူင်လႄႈသေဢမ်ႇၵႃး မၢင်ပွၵ်ႈၵေႃႈၶိုၵ်ႉၶႅမ်ႉဝႆႉယူႇ ၵူၺ်းၵႃႈႁဝ်းဢမ်ႇၽၢင်ႉမႅၼ်ႈဝႃႈႁဝ်း ပဵၼ်သင်ႁဵတ်ႈသင်မႃးၼၼ်ႉယဝ်ႉ။ မိူဝ်ႈႁဝ်းထွမ်ႇမႅၼ်ႈတီႈပိူၼ်ႈတၢင်ႇၵေႃႉၼၼ်ႉ ႁဝ်းတေႁူႉဝႃႈ ႁဝ်းသမ်ႉ ၵိုတ်းၶင်ႉဝႆႉဢီႈသင် ဢၼ်လူဝ်လႆႈထႅမ်သမ်ႉမီးသင်ၼႆၼၼ်ႉယဝ်ႉ။
ၵွပ်ႈပိူဝ်ႈလွင်ႈတၢင်းပႃႈၼိူဝ်ၸိူဝ်းဢၼ်ၶုၵ်းၸႂ်လႆႈၵမ်ႈၽွင်ႈသေ ၶႃႈႁဝ်းၵေႃႈ လႆႈၶဝ်ႈၸႂ်လွင်ႈဢပုမ်ႇ ဢမ်ႇ ၼၼ်ပိူင်ပဵၼ်တႄႉ ၼႂ်ၸၢတ်ႈပၢၼ်ၵူၼ်ႈၼိုင်ႈၵေႃႉဢၼ်ၵဵဝ်လူၺ်ႈလွင်ႈလီ၊လွင်ႈၸႃႉ၊လွင်ႈမူၼ်ႈ၊လွင်ႈသိူဝ်း၊ လွင်ႈတိူဝ်ႉၸႂ်၊လွင်ႈမီးသုၼ်ႇ၊လွင်ႈႁၢမ်းသုၼ်ႇ ၸၵႂႃႇၸိူဝ်းၼႆႉသေ တေဢၢင်ႈၶတ်းၸႂ်ပိၼ်,ဢဝ်ပိူင်ပဵၼ်တႄႉ ၸိူဝ်းၶဝ်ၵမ်ႈၽွင်ႈလႄႈလႆႈတႅမ်ႈမႃးယဝ်ႉ။
Comments
Post a Comment