KT Studio

မီးဝၢၼ်ႈမူိင်းဢွၼ်ႇမူိင်းၼုိင်ႈ ယူႇၸမ်ၼွင်လူင်လုၵ်ႈၼုိင်ႈ၊ ယွၼ်ႉၽူၼ်ဢမ်ႇတူၵ်းၽႃႉဢမ်ႇလီလႄႈ ၼွင်ၵေႃႈ ႁႅင်ႈဝႆႉယဝ်ႉ။ ၵူၼ်းဝၢၼ်ႈၵူၼ်းမူိင်းၵေႃႈ ႁွၼ်ႉလူိတ်ႇဢုိတ်ႇမႆႈလူင်ၵႂႃႇၸူးၶုၼ်ႁေႃၶမ်းယဝ်ႉ၊ ၵူၼ်းၸူိဝ်းပဵၼ်ၸဝ်ႈ ႁႆႈၸဝ်ႈၼႃးၵေႃႈ''ၽူၼ်ဢမ်ႇတူၵ်း ၼမ်ႉဢမ်ႇမီး ၼႃးႁဝ်းၵေႃႈဢမ်ႇမီးၼမ်ႉ ၶဝ်ႈၼႃး လႄႈ ၽၵ်းယိူဝ်ႈၼၢင်း ၶဵဝ်၊ မၢၵ်ႇဝၢၵ်ႈတၢင်းၵိၼ်ၵေႃႈ ဢမ်ႇမၢၵ်ႇဢမ်ႇဢွၵ်ႇ"ၼႆယဝ်ႉ၊ ၸိူဝ်းပဵၼ်တမ်ႇငႃႈ မဵတ်းပႃ ႁႃပူၵေႃႈ ''ၼမ်ႉႁႅင်ႈ ဢမ်ႇမီးၼမ်ႉ ပူပႃၵေႃႈဢမ်ႇမီး ႁဝ်းၶႃႈတေၵိၼ်ယူၵွႃႇၸူိင်ႉႁုိဝ်"ၼႆ ႁင်းၶဝ်ထႅင်ႈ၊ ၸုမ်းၼၢင်းယိင်းၶဝ်ၵေႃႈ ''ၼေႃးၼေႃႈ ၶႅၼ်းတေႃႈၶုၼ်ၸဝ်ႈမုၼ်ယႂ်ႇၶုၼ်ႁေႃၶမ်းႁဝ်းၶႃႈ ၵဵတ်ႇၶႄႁဝ်းၶႃႈသေၵမ်း''ၼႆယဝ်ႉ၊ ၸူိဝ်းပဵၼ် လုၵ်ႈဢွၼ်ႇလုၵ်ႈဢီႈၵေႃႈ ဢွၼ်ၵၼ်ႁွင်ႉႁွင်ႉႁွင်ႉႁႆႈႁႆႈ တူၺ်းၼႃႈၶဝ်ဝူၺ်ႇဝူၺ်ႇႁင်ႈႁင်ႈ မီးၼမ်ႉတႃၶဝ်ၵူၺ်း ယဝ်ႉ ဢၼ်သႂ်။

ယွၼ်ႉမႄႈႁၵ်ႉလုၵ်ႈလႄႈ (ပူိင်ပဵၼ်တႄႉ) ၵေႃႉမႄႈပဵၼ်မႄႈႁၢင်ႈ ၽူဝ်ပၢႆႈ မီးဝႆႉလုၵ်ႈလၢင်းလၢႆလၢႆၵေႃႉယူႇ ဢၼ်ၵေႃႉလဵၵ်ႉလူိဝ်ပိူၼ်ႈတႄႉ ပဵၼ်ၵူၼ်းၸၢႆး ဢွၼ်ႇယဝ်ႉ။ ယွၼ်ႉဝႃႈၽူဝ်ၵေႃႈႁၼ်ၵေႃႉမႂ်ႇသေပၢႆႈပႅတ်ႈၵေႃႈလွင်ႈၼုိင်ႈ ၼႃႈႁူိၼ်းဢမ်ႇတဵမ်ထူၼ်ႈၵေႃႈလွင်ႈ ၼုိင်ႈ တႃႇတေလဵင်ႉၼႃႈႁိူၼ်းၵႂႃႇမူိဝ်းၼႃႈၼၼ်ႉ ဝူၼ်ႉၸူိင်ႉႁုိဝ်ၵေႃႈဢမ်ႇပွင်ႇလႃးလႃးယဝ်ႉ။ ဝၼ်းၼုိင်ႈၵေႃႉပဵၼ်မႄႈ ပိၵ်ႉႁပ်းၽၵ်းတူတင်းၼႂ်းႁူိၼ်းသေ ၽႅၼ်ၸူိၵ်ႈဢၢင်ႈတေၽႅၼ်ၶေႃးတၢႆ ၸူိၵ်ႈၵေႃႈမတ်ႉယဝ်ႉ ၽွင်း တုိၵ်ႉဢၢင်ႈၶုိၼ်ႈယူႇၼူိဝ်တင်ႇသေဢၢင်ႈတေဢဝ်ၶေႃးသုပ်းသႂ်ႇၸူိၵ်ႈၼၼ်ႉ ၸင်ႇငိၼ်းသဵင်တွႆႇၽၵ်းတူတၢင်း ၼွၵ်ႈသေ ငိၼ်းသဵင်လုၵ်ႈၵေႃႉလဵၵ်ႉသုတ်း လုၵ်ႈၸၢႆးမၼ်းႁွင်ႉဝႃႈ ''မႄႈ မႄႈ မႄႈ လုၵ်ႈတွင်ႉမႆႈၶဝ်ႈ''ၼႆ မၼ်းၼၢင်း ၵေႃႈၵွပ်ႈဢီးလူၵေႃႉပဵၼ်လုၵ်ႈလႄႈ ၸင်ႇဢမ်ႇပဵၼ်ၽႅၼ်ၶေႃးတၢႆသေ ပုိတ်ႇပၼ်ၽၵ်းတူၵေႃႉပဵၼ် လုၵ်ႈမၼ်းသေ လဵင်ႉၶဝ်ႈလုၵ်ႈၸၢႆးဢွၼ်ႇမၼ်းယဝ်ႉ။ တေႃႇထိုင်မူိဝ်ႈလဵဝ် ၶႃမႄႈလုၵ်ႈၵေႃႈတုိၵ်ႉမီးသၢႆၸႂ်ဝႆႉယူႇ။ ၵေႃႉပဵၼ်လုၵ်ႈၵေႃႈယၢမ်းလဵဝ် ဢၢင်ႈတေၶဝ်ႈထမ်းသႃႇသၼႃႇ ႁဵတ်းပဵၼ်မုၼ်ၸၢင်းၼႆယူႇယဝ်ႉ။ ၵဵပ်းႁွမ်တႅမ်ႈ ၶိင်းတႆး 1,July,2015

မဵတ်ႉတႃႇ လႄႈ မၢၵ်ႇတႃမႄႈ မႄႈၵဝ်ၶႃႈပဵၼ်ၵူၼ်းတႃမွတ်ႇၵေႃႉၼိုင်ႈ ၵဝ်ၶႃႈၸင်းမႄႈၵဝ်ၶႃႈတႄႉတႄႉ ယွၼ်ႉဝႃႈ မၼ်းႁဵတ်းႁႂ်ႈၵဝ်ၶႃႈ လႆႈ တၢင်းဢၢႆၼႂ်းၵႄႈပိူၼ်ႈတႄႉတႄႉဝႃႈဝႃႈၼၼ်ႉယဝ်ႉ မႄႈၶႃႈပဵၼ်ၵူၼ်းႁုင်မိုဝ်ႉ ၼႂ်းႁူင်းႁဵၼ်းၸၼ်ႉၵၢင်ဢၼ်ၼိုင်ႈ ပဵၼ်ႁူင်းႁဵၼ်းတီႈဢၼ်ၶႃႈတိုၵ်ႉၶိုၼ်ႈယူႇ မၼ်းၼၢင်းႁုင်ၶဝ်ႈၽၵ်း လဵင်ႉလုၵ်ႈႁဵၼ်း၊ မေႃသွၼ်ၼႂ်းႁူင်းႁဵၼ်း ၼႆႉသေ လဵင်ႉၼႃႈႁိူၼ်းႁဝ်းယဝ်ႉ။       မီးဝၼ်းၼိုင်ႈမၼ်းၼၢင်းမႃးတူင်ႉတၵ်ႉတေႃႇၶႃႈလႄႈ ၶႃႈပဵၼ်ဢၼ်ယိၼ်းဢၢႆပိူၼ်တႄႉတႄႉ ၵဝ်ၶႃႈဝူၼ်ႉဝႃႈ "ၵွပ်ႈသင်မၼ်းမႃးႁဵတ်းလႆႈၵဝ်ၸိူင်ႉၼႆ ဢမ်ႇၵူဝ်ၵဝ်လႆႈဢၢႆႈပိူၼ်ႈသေဢိတ်း"ၼႆယူႇ ႁင်းၼႂ်းၸႂ်ၸဝ်ႈၵဝ်ႇ ယဝ်ႉ ဢဝ်မၢၵ်ႇတႃတၢင်းၸင်းၵဝ်ၶႃႈ ပၵ်းတူၺ်းမၼ်းၵမ်းၼိုင်ႈသေ လႅၼ်ႈပၢႆႈယူႇၼွၵ်ႈႁူင်းႁဵၼ်းပုၼ်ႉယဝ်ႉ။       မီးဝၼ်းၼိုင်ႈတႆးၵေႃႉၵေႃႉၼိုင်ႈမႃးယူႇႁိမ်းၶႃႈသေယဝ်ႉ လၢတ်ႈဝႃႈ"မႄႈမႂ်းတႃမွတ်ႇမွတ်ႇႁေၼေႃ" ၼႆ ႁင်းၶႃႈ လူမ်းတေႃးသၸႂ်လမ်ၼႆႉလုၵ်ႉတီႈလႂ်မႃးၵေႃႈဢမ်ႇႁူႉ မႃးသေႃႇသူၼ်းၼႂ်းၸႂ်ၶႃႈ မၢင်ၵမ်းမၢင်ၵမ်း ၶႃႈပေႃး ဢမ်ႇၶႂ်ႈယူႇယဝ်ႉၼႂ်းမိူင်းၵူၼ်းၼႆႉ လိူဝ်သေၼၼ်ႉဢမ်ႇၵႃး သမ်ႉၶႂ်ႈႁႂ်ႈမႄႈၵဝ်ၶႃႈၼႆႉ ႁၢႆဢွၵ်ႇၵႂႃႇၼႂ်းမိူင်းၵူၼ်းဝႆးဝႆးယဝ်ႉ။ ဝၼ်းၼၼ်ႉၼင်ႇၵဝ်...