ဢပုမ်ႇမွင်ၸႂ်

မီးၼၢင်းယိင်းတႃမွတ်ႇဢွၼ်ႇၵေႃႉၼုိင်ႈ မၼ်းၼၢင်းၼႆႉၸင်းတူဝ်မၼ်းၼၢင်း ၸင်းပႃးၵူႈၵေႃႉလူိဝ်သေၵေႃႉ ႁၵ်ႉဢွၼ်ႇမၼ်းၼၢင်း ၵူၺ်းၵႃႈၵေႃႉႁၵ်ႉမၼ်းၼၢင်းၼၼ်ႉ ဢမ်ႇပွႆႇၽႃႈမၼ်းသေပွၵ်ႈ သမ်ႉဝႃႈတႃမၼ်းမွတ်ႇ ၵေႃႈယႃႇ ပႂ်ႉလူလွမ်လုမ်းလႃးတူၺ်းမၼ်းဝႆႉယူႇၵူႈၶၢဝ်းယၢမ်းယဝ်ႉ။ 

မၼ်းၼၢင်းလၢတ်ႈဝႃႈ သင်ဝႃႈတႃမၼ်းႁၼ်လႆႈလူၵ်ႈၶူင်းၵၢင်ၼႆႉလႆႈၼႆ မၼ်းတေယွမ်းတႄႇပွႆးပၢင်ၶႅၵ်ႇၸွမ်း ၵေႃႉႁၵ်ႉမၼ်းၼၢင်းၼႆယဝ်ႉ။ 

မီးဝၼ်းၼုိင်ႈ မီးၵူၼ်းသေၵေႃႉၵေႃႉသမ်ႉလူႇမၢၵ်ႇတႃႇပၼ်မၼ်းၼၢင်းလႄႈ မၼ်းၼၢင်းၵေႃႈလႆႈႁၼ်တႃၵႂႃႇ။ ၽူိဝ်ႇဝႃႈမၼ်းႁၼ်လႆႈၵူႈၸူိဝ်ႉၵူႈလွင်ႈယဝ်ႉ မၼ်းၼၢင်းသမ်ႉႁၼ်မႅၼ်ႈဢၼ်ပဵၼ်ၵေႃႉႁၵ်ႉမၼ်းၼၼ်ႉသမ်ႉတႃ ဝွတ်ႇ ၼင်ႇၵဝ်ႇယဝ်ႉ။ 

ၵမ်းၼၼ်ႉၵေႃႉႁၵ်ႉမၼ်းၼၢင်းၸင်ႇဝႃႈ ''ၵမ်းၼႆႉသူႁၼ်လႆႈၵူႈၸူိဝ်ႉၵူႈလွင်ႈယဝ်ႉ တႄႇပၢင်ၶႅၵ်ႇၸွမ်းႁဝ်းလႆႈယဝ်ႉ ယူဝ်ႉ'' ၼႆယဝ်ႉ၊ မၼ်းၼၢင်းၶုိၼ်းထဵင်ၶုိၼ်းဝႃႈ ''ဢမ်ႇတႄႇလႆႈၸွမ်းၵူၼ်းတႃဝွတ်ႇ''ၼႆသေ တွပ်ႇထဵင်ၶုိၼ်းယဝ်ႉ။ ၵေႃႉႁၵ်ႉမၼ်းၼၢင်းၵေႃႈ လႆႈတၢင်းတူိဝ်ႉၸႂ်သေ ပၢႆႈၵွႃႇတီႈၵႆၵႆယဝ်ႉ တႅမ်ႈဝႆႉလိၵ်ႈဢွၼ်ႇၽုိၼ်ၼုိင်ႈဝႃႈ "လုမ်းလႃးတူၺ်းထုိင်မၢၵ်ႇတႃႁဝ်းလီလီၼႃႈ ႁဝ်းႁၵ်ႉသူတႄႉဢူိဝ်ႈ"ၼႆယဝ်ႉ။

ပိၼ်ႇတႅမ်ႈ

ၶိင်းတႆး