ပတိတ်ႉၸသမ်ႇမုတ်ႉပၢတ်ႈ ပၢၼ်မႂ်ႇ

မိူဝ်ႈႁႃးႁဵၼ်းလိၵ်ႈ ဢၼ်မိူင်းမၢၼ်ႈႁဝ်းဝႃႈ လႆႈႁဵၼ်းပႃး ဢၼ်ႁွင်ႉဝႃႈပတိတ်ႉၸသမ်ႉမုတ်ႉပၢတ်ႈဢၼ်ဝႃႈ ၼၼ်ႉယူႇ မၼ်းေၵႃႈပဵၼ်လွင်ႈသမ်ႇသလႃႇမိူင်းၶူင်းၵၢင်ၼႆႉယဝ်ႉ ငဝ်ႈႁၢၵ်ႈတူင်ႇဝူင်းၵူၼ်း ႄလႈ ပိူင်ပဵၼ်ၶူင်းၵၢင် လူင်ၼႆႉႁဵတ်းႁိုဝ်ႄတႇ သမ်ႉႁဵတ်းႁိုဝ်လူႉ ဢၼ်ပဵၼ်ဢၼ်လူႉၼၼ်ႉ မၼ်းၶုိၼ်းမႃးၵွင်ႉၵႆၢႇၵၼ်ၸိူင်ႉႁိုဝ်ၼႆ ၸိူဝ်းၼၼ်ႉယဝ်ႉ သမ်ႉထႅင်ႈ ြတႃးဢၼ်ၼႆႉၸိုဝ်ႈသေင်ယႂ်ႇဝႆႉႄတႉႄတႉ တွၼ်ႈတႃႇၽူႈၵူၼ်းလဵပ်ႈႁဵၼ်းၼင်ႈတြႃးၶဝ် မိူၼ်ၼင်ႇလၢႆးၸဝ်ႈသြႃႇမိူင်းၵုတ်ႈ ဢၼ်မၢၼ်ႈၶဝ်ၶဝ်ဝႃႈ မူဝ်းၵူၵ်ႉသယႃႇေတႃႇ ၼၼ်ႉ မၼ်းၸဝ်ႈ ဢဝ်လၢႆး ပတိတ်ၸသမ်ႇမုတ်ႉပၢတ်ႈၼႆႉၼႆႉေသ ၸုိဝ်ႈသဵင်ယႂ်ႇဝႆႉယဝ်ႉ။

ပတိတ်ၸသမ်ႇမုတ်ႉပၢတ်ႈၼၼ်ႉ မၼ်းေၵႃႈပၼ်ႇတူင်ႇ ပၼ်ႇတူင်ႇၼၼ်ႉယဝ်ႉ ၵူၼ်းႁဝ်းၵူိတ်ႇမႃးယဝ်ႉတၢႆ ယွၼ်ႉလွင်ႈတၢင်းဢၼ်ႁဵတ်းလီႁဵတ်းႁၢႆႉမႃးၸိူဝ်းၼၼ်ႉေသ ေတပၼ်ၽွၼ်းလီမၼ်းဝၢႆးတၢႆယဝ်ႉေသၵိူတ်ႇမႃး မႂ်ႇ ဝၢႆးၵိူတ်ႇယဝ်ႉ သမ်ႉၵူၼ်းႁဝ်းေၵႃႈဢမ်ႇမိူၼ်ၵၼ် ၶုိၼ်းသၢင်ႈၶုိၼ်းၵၢမ်ႇလီၵၢမ်ႇႁၢႆႉႁင်းၽႂ်ႁင်းမၼ်းေသ ဢမ်ႇယူႇႁိုင်လႆႈမွၵ်ႈၵႃႈႁိုဝ် တၢႆတၢႆၵိူတ်ႇၵိူတ်ႇယူႇႁဵတ်းၼၼ်တိၵ်းတိၵ်း ပၼ်ႇၶိုၼ်ႈပၼ်ႇလူင်း ပၼ်ႇသၢႆႉပၼ်ႇၶႂႃ ပၼ်ႇဢမ်ႇယဝ်ႉဢမ်ႇဝၢႆး ႁၢၼ်ႉေတႃႇႁွတ်ႈထိုင်ၼိပ်ႉပၢၼ်ႇၵတ်းယဵၼ်ၼၼ်ႉယဝ်ႉ။ ၸူဝ်ႈၵႃႈပႆႇႁွတ်ႈထိုင်တီႈၵတ်းတီႈယဵၼၼ်ႄတႉ တိုၼ်းေတလႆႈပၼ်ႇယူႇတိၵ်းတိၵ်းယဝ်ႉ။

ပၢၼ်မႂ်ႇႁႃးႄတႉ

ေပႃးမႃးၼပ်ႉတူၺ်းၶၢဝ်းယၢမ်းၸုိင် ၼိုင်ႈဝၼ်းမီးသၢဝ်းသီႇၸူဝ်ႈမွင်း ၼိုင်ႈမွင်းမီးႁူၵ်းသိပ်းမိၼိတ်ႉ ၼိုင်ႈမိၼိတ်ႉသမ်ႉမီးႁူၵ်းသိပ်းသႅၵ်ႉၵၢၼ်ႉ ႁဵတ်းၼၼ်ၼပ်ႉၵႂႃႇၼပ်ႉၶုိၼ်းၸိူင်ႉႁိုဝ်ေၵႃႈဢမ်ႇလိူဝ်ဢမ်ႇယွမ်းတိုုၼ်းမိူၼ်ၵဝ်ႇ ၼႂ်းၶၢဝ်းယၢမ်းၸူိဝ်းၼၼ်ႉ ဢၼ်ႁႃးၵႆႉဢဝ်ပၼ်ႇၵွႃႇပၼ်ႇၶုိၼ်း မိူၼ်ပတိတ်ၸသမ်ႇမုတ်ႉပၢတ်ႈၼၼ်ႉႄတႉ ပဵၼ်ၼႃႈၽူင်းႄလႈ ၶွမ်းႁႃးၼႆႉယိုင် ၶႂ်ႈၼႃႇေသသမ်ႇသရႃႇၸၢၵ်ႈပၼ်ႇတူင်ႇယဝ်ႉႄလႇ ႁႃးလႆႈပၼ်ၶၢဝ်းယၢမ်း တႃႇမၼ်းၼႆႉ ေပႃးဝႃႈမီးၼဵတ်ႇမီးwifi ယူႇၸိုင် ၼုိင်ႈဝၼ်းဢမ်ႇယွမ်းႁူၵ်းၸူဝ်ႈမွင်းယူဝ်ႉဝႃႈ ၼႂ်းၽူင်းႁႃးႄတႉ ဢၼ်ၵႆႉပိုတ်ႇေသပိူၼ်ႈေၵႃႈ မီးယူႇapp သွင်ဢၼ်ၼၼ်ႉႄလႇ သွင်ဢၼ်ၼၼ်ႉပဵၼ်facebook ႄလႈ messenger ၼၼ်ႉယိုင် ပုိတ်ႇပိုတ်ႇယဝ်ႉ ေပႃးဢမ်ႇမီးၵူၼ်းလၢတ်ႈေတႃႇသမ်ႉ တူၺ်းဢၼ်ပိူၼ်ႈpost မႃးၼၼ်ႉေသ တူၺ်းတူၺ်းတူၺ်းလူင်းၵႂႃႇယဝ်ႉ ေပႃးဝႃႈၵႂႃႇႁွတ်ႈထိုင် တီႈဢၼ်ၸဝ်ႈၵဝ်ႇတူၺ်းယဝ်ႉလၢႆၵမ်း ၼၼ်ႉယဝ်ႉ ၶိုၼ်းတဵၵ်းၶုိၼ်း New post ၼၼ်ႉေသ ႁၼ်မႅၼ်ႈဢၼ်ပိူၼ်ႈpost ထႅင်ႈမႂ်ႇ မၢင်ပွၵ်ႈေၵႃႈ လူတူၺ်း မၢင်ပွၵ်ႈေၵႃႈဢမ်ႇလူ လိူဝ်ၼၼ်ႉဢမ်ႇၵႃး ေပႃးႁၼ်ဢၼ်လီ comment ေၵႃႈ တႅမ်ႈသႂ်ႇေသ ၶုိၼ်းၵွႃႇတူၺ်း new feed ၶုိၼ်းႁူၼ်လင်ၵႂႃႇတူၺ်းႄတႇငဝ်ႈမႃးၶိုၼ်း မၢင်ပွၵ်ႈသမ်ႉ ေပႃးႁၼ်ဢၼ်ဝႃႈ people you may know ၼႆေၵႃႈ ေပႃးလႅပ်ႈႁူႉၸၵ်း မၢင်ပွၵ်ႈေၵႃႈပေႃးႁၼ်ဝႃႈပဵၼ်တႆးယူႇ ၼႆေၵႃႈ တေၵ်း friend requested ေသ ေပႃးပၼ်ႇၵႂႃႇပၼ်ၶိုၼ်းၸိူဝ်းၼႆႉၶၢၼ်ႉယဝ်ႉသမ်ႉ ၶိုၼ်းတႅမ်ႈpostေသ ေပႃးပိူၼ်ႈႁၼ်ယဝ်ႉcomment မႃးေၵႃႈ တွပ်ႇၵႂႃႇတွပ်ႇၶိုၼ်းေသ ၼႂ်းယၢမ်းၼၼ်ႉေပႃးသမ်ႉမီးၵူၼ်းတၵ်ႉမႃး ဢမ်ႇၼၼ် ေၵႃႉဢၼ်ႁဝ်းတၵ်ႉၵႂႃႇဢွၼ်တၢင်းၼၼ်ႉ တွပ်ႇမႃးၶိုၼ်းေၵႃႈၵႂႃႇလၢတ်ႈေတႃႇေသ ႁဵတ်းၼႆၵႂႃႇႁဵတ်းၼႆမႃး သမ်ႇသရႃႇႁႃးေၵႃႈ ပၼ်ႇယူႇၸွမ်းၸိူဝ်းၼႆႉယဝ်ႉ မၢင်ၵမ်းႁႃးယင်းဝူၼ်ႉဝႃႈပဵၼ် ပတိတ်ၸသမ်ႇမုတ်ႉပၢတ်ႈ ပၢၼ်မႂ်ႇၼႆလူးၵွၼ်ႇ

ၶိင်းတႆး