မၢင်ပွၵ်ႈမၢင်လႂ်
ၸႂ်ဢၢႆႈႁႃးၼႆႉၵေႃႈၼေႃ မၢင်ပွၵ်ႈ ႁၼ်ပိူၼ်ႈပဵၼ်ၵူၼ်းၸၼ်ႁၢင်ႈ ႁၢင်ႈလီလီထုၵ်ႇၸႂ် ေၵႃႈၸႂ်ၼႆႉလၢမ်းတၢမ်းဝူၼ်ႉဝႃႈ ၶႂ်ႈပဵၼ်ၽူႈၸၼ်ႁၢင်ႈယူႇပဵၼ်ပွၵ်ႈ။ မၢင်ပွၵ်ႈသမ်ႉႁၼ်ပိူၼ်ႈပဵၼ်ၽူႈႁွင်ႉၵႂၢမ်း ႁွင်ႉယဝ်ႉႁဵတ်းႁႂ်ႈၸႂ်ၵေျႃႇ ႁွင်ႉယဝ်ႉတိူဝ်ႉယိၼ်ႉထိုင်ၸႂ် ႁွင်ႉၸွမ်းယဝ်ႉ ယွၼ်ႈထိုင်ဢဵၼ်ၼဵတ်း ႁၼ်ပူိၼ်ႈႁႆႇတိင်ႇသေလဵတ်းလဵၼ်ႈၵူၺ်းၵေႃႈ ယင်းဢဝ်သႂ်ႇၼႂ်းၸႂ် ဢၢၼ်းၶႂ်ႈပဵၼ်ၽူႈၵူၼ်းလဵတ်းတိင်ႇႁွင်ႉၵႂၢမ်းမိူၼ်ပိူၼ်ႈ။
မၢင်ၵမ်းၵမ်းသမ်ႉ ႁၼ်ပိူၼ်ႈဢွင်ႇလိၵ်ႈၸၼ်ႉသုင် မီးၵုင်ႇမီးမုၼ်ၵတ်ႉၶႅၼ်ႇလိၵ်ႈလၢႆးပႆၢးႁူႉႁၼ် ၼၼ်ႉေၵႃႈ တၢင်းၶႆွတၢင်းၾၼ် တၢင်းၶႂ်ႈမိူၼ်ၼၼ်ယူႇ။ မၢင်ပွၵ်ႈမၢင်ၶႃႇသမ်ႉၶႅၼ်းၼႃႇ တူၺ်းၸိူင်းေသ ဝူၼ်ႉၸူၺ်း ဝူၼ်ႉတူၺ်းႁင်းတူဝ်ၵဝ်ႇလႅပ်ႈေတၵႂႃႇပဵၼ်ၸၢႆးၸိူင်းဝႆႉ ၽိူဝ်ႇၶိုၼ်းဝူၼ်ႉၶိုၼ်ႈဝူၼ်ႉလူင်း ၶူင်းၵၢင်ႁႃးၼႆႉ တိုၼ်းပဵၼ်ဢၼ်လႆႈဝူၼ်ႉႄလႈဝူၼ်ႉဢဝ်ၵူၺ်းႄလႇ။ မၢင်မိူဝ်ႈမၢင်လႂ်သမ်ႉ ပိူၼ်ႈမီးၼႃႈႁေႃေတႃႁိူၼ်း မီးၼႃႈႁိူၼ်းဢုၼ်ႇၸႂ်မီးလုၵ်ႈမီးမေးၵေႃႈ ပဵၼ်ေၶႃႈလီၶွႆၵမ်းယႂ်ႇၵမ်းလူင်ေမႃႉ။ မၢင်လႂ်မၢင်ယၢမ်းသမ်ႉ ႁၼ်ပိူၼ်ႈပဵၼ်ၽူႈလူင်ႉလႅၼ်ႇ ၽူႈၶႅၼ်ႇတၢင်းမေႃ IT ဢၢႆႇေထႃး ၸႂ်ႁႃးေပႃးၶူမ်းေပႃးၶုိၼ်ႈ ယွၼ်ႉၸႂ်ၸိုၼ်ႈၸႂ်ပႃးၸွမ်းလွင်ႈၸိူဝ်းၼႆႉႄလႈႁိုဝ် ၵူၺ်းၵႃႈပေႃးမႃးႁဵတ်းႄတႉႄတႉသမ်ႉဢၼ်လႂ်ေၵႃႈသမ်ႉလွမ်လွမ်ၶၢၼ်ႉၶီႈၶၢၼ်ႉၶိၼ်ႉဝႆႉ။ ယူႇယူႇႁၼ်ပိူၼ်ႈပဵၼ်ၵူၼ်းၸႂ်ႉၸၢတ်ႈပၢၼ် ပၢၼ်ၵၢင်ထၢၼ်ႈယူဝ်းယူဝ်းဢွၼ်ႇေသ ဢမ်ႇမီးလွင်ႈၶီလွင်ႈမႆႈသင် ယူႇသၢပ်ႇၼမ်ႉ ႁဵတ်းၵိၼ်ႁႆႈသႆႉၵိၼ်သူၼ်ေသ ၸႂ်ႉၸၢတ်ႈပၢၼ်ၸိူင်ႉၼၼ်ေၵႃႈ သမ်ႉလွမ်လွမ်ၶႂ်ႈယူိင်ႈယူႇ ယွၼ်ႉဝႃႈဢမ်ႇေပႃးမီးလွင်ႈၸႂ်လမ်ႇမၢၵ်ႈသင်လူးၸိူင်ႉၼၼ် ၵူၺ်းၵႃႈ ပဵၼ်မၢင်ပွၵ်ႈၵူၺ်းၼင်ႇၵဝ်ႇ။ ယူႇယူႇသမ်ႉ ႁၼ်ၽူႈမၢၵ်ႇလၢတ်ႈေၶႃႈၵႂၢမ်းၼႂ်းပၢင် မီးၵၢင်ၸႂ်ဢွၼ်ႁူဝ်ပုၼ်ႈၵူၼ်းတင်းၼမ်ေၵႃႈ လွမ်လွမ်ၶႂ်ႈပဵၼ်ယူႇ။ လွင်ႈဝႃႈပဵၼ်ၵူၼ်းႄလႇဝၢၼ်ႈလၢဝ်းမိူင်း ၵႂႃႇမိူင်းတႂ်ႈ မႃးမိူင်းၼိူဝ် ႁႃလွင်ႈသိူဝ်းၸႂ်သႂ်ႇတူဝ် ႁႃတၢင်းႁူႉသႂ်ႇဢွၵ်းဢေႃၸိူဝ်းၼၼ်ႉ ၼႆႉေၵႃႈဢွၵ်ႇမႃးပဵၼ်ၵမ်းပဵၼ်ၵမ်း။ မၢင်ပွၵ်ႈသမ်ႉ ၶႂ်ႈပဵၼ်ၼႃႇၼႃႇ ၽူႈတႅမ်ႈလိၵ်ႈၵတ်ႉ ၽူႈတႅမ်ႈၸိူင်းၶႅၼ်ႇ ၽူႈတႅမ်ႈဝွၵ်းလွႆႈ ၽူႈတႅမ်ႈၵႂၢမ်းမွၼ်းၸႂ်ၸိူဝ်းၼၼ်ႉ ပေႃးမႃးႄတႇသမ်ႉ တေႃႉတႄႉမီးဝႃႈႄတႇၵူၺ်း ဢမ်ႇပေႃးမီးဢၼ်လူပ်းလင်ေသပွၵ်ႈ။ သမ်ႉထႅင်ႈ မီးမႃးပဵၼ်ၵမ်းပဵၼ်ၵမ်းထႅင်ႈၵေႃႈ ပေႃးႁၼ်ပိူၼ်ႈႁေႃးပဵၼ်ၽူႈေႁႃးတြႃးၵတ်ႉၶႅၼ်ႇလူင်ႉလႅၼ်ႇၽၢႆႇထမ်ႇမထမ်ႇမေႃး ႁႃးေၵႃႈပေႃးမီးၸႂ်ၶႂ်ႈပဵၼ်ယူႇဢိူဝ်ႈၸိူင်ႉၶဝ်ၸဝ်ႈ။ မၢင်ပွၵ်ႈသမ်ႉ ႁၼ်ပိူၼ်ႈပဵၼ်ၽူႈၼမ်းၸိူင်း ၽူႈထွတ်ႇႁၢင်ႈ သမ်ႉဢၢင်ႈယိူင်ႈဢၢင်ႈပိူင်ႈၵွႃႇၸွမ်းၶဝ်ယူႇပဵၼ် မိူဝ်ႈပဵၼ်ယၢမ်း ၵူၺ်းၵႃႈ ၵႂၢမ်းၼႂ်းၸႂ်ဢၼ်ၶႂ်ႈပဵၼ်ၼၼ်ႉလႅၵ်ႈလၢႆႈၶိုၼ်းပဵၼ်ပွၵ်ႈၼင်ႇၵဝ်ႇ။ မၢင်ပွၵ်ႈသမ်ႉ ၺႃးၵူၼ်းလၢတ်ႈၵႂၢမ်း လၢႆလၢႆၽႃႇသႃႇ လၢႆလၢႆၶိူဝ်း ဢၢႆႈႁႃးၵေႃႈဢမ်ႇငၢႆႈၼင်ႇၵဝ်ႇ ၸႂ်ဢၢင်ႈဢၢၼ်းႄတႉ ေတလၢတ်ႈႄၼၼႃ ဢင်းၵိတ်းေၵႃႈႁဵၼ်းမႃးယူႇ ဢမ်ႇၼမ်ၵႃႈႁိုဝ် ၵႂၢမ်းမၢၼ်ႈေၵႃႈႁဵၼ်းမႃးယူႇ ဢမ်ႇလၢတ်ႈလႆႈၵႃႈႁိုဝ် ၵႂၢမ်းထႆးေၵႃႈယူႇမႃးသီႇပီ ဢမ်ႇၶႅၼ်ႇသင် ၵႂၢမ်းၵျႃႇပၢၼ်ႇေၵႃႈ ဢၢင်ႈယၢမ်ႈေမႃၵမ်းၼိုင်ႈေသ ၶီႈၶၢၼ်ႉပႅတ်ႈ ၵႂၢမ်းၵူဝ်းလီးယႃးဢၼ်ဝႃႈၼၼ်ႉေၵႃႈ ယၢမ်ႈၸႂ်ပႃးဢၢင်ႈဢၢၼ်းတၢပ်ႇႄတႉႄတႉဝႃႈဝႃႈ ၵူၺ်းၵႃႈ ပဵၼ်ၵွႃႇပႅတ်ႈတၢင်ႇမဵဝ်းတၢင်ႇဢၼ် ၵမ်းလိုၼ်းသုတ်း မီးၵႂၢမ်းတႆးၵူၺ်းဢၼ်ႁႃးပွင်ႇၸႂ်လီေသပိူၼ်ႈ။ မၢင်ၵမ်းသမ်ႉ ယွၼ်ႉၵွပ်ႈတၢင်းပၢၺ်းယူႇလီၵေႃႈပိူင်ၼိုင်ႈ ယွၼ်ႉၵဝ်ယွၼ်ႉမႂ်းေၵႃႈပိူင်သွင် မီးၸႂ်ဢၢင်ႈဢၢၼ်းႁႂ်ႈတူဝ်ၶိင်းမင်ႈသင်ႈလႅပ်ႈလဝ်းယူႇလႅတ်းသႅဝ်း ၼိူဝ်ႉ ၼင်ၵႅၼ်ႇ လူင်ႉလႅၼ်ႇလၢႆးၶႅၼ်ႉ လၢႆးလႅဝ်း ၼႆေၵႃႈ ၸႂ်ၼႆႉသႅဝ်းၸွမ်းယူႇပဵၼ်မိူဝ်ႈပဵၼ်ပွၵ်ႈပဵၼ်ၶိင်ႇပဵၼ်ၶၢဝ်း။ ၵူၺ်းၼႃႇၸိူဝ်းၼႆႉသင်ဝႃႈၸႂ်ၶႂ်ႈပဵၼ်ၼၼ်ႉ ဢမ်ႇတၢပ်ႈမီးၼမ် မီးဢၼ်လဵဝ် ႁဵတ်းႄတႉႄတႉၼႆႁႃးေတပဵၼ်ဢၼ်လႂ်ဢမ်ႇႁူႉယဝ်ႉ လႅပ်ႈေတပဵၼ်ယူႇဢၼ်ၼိုင်ႈၵႃႈ ၵူၺ်းၵႃႈ မိူဝ်ႈလဵဝ်ေၵႃႈပဵၼ်ႁႃးၶိုၼ်းၵူၺ်း ပႆႇပဵၼ်သင်ၸိူဝ်းဢၼ်ဝူၼ်ႉမႃးမၢင်မိူဝ်ႈမၢင်ပွၵ်ႈၼၼ်ႉ။
Comments
Post a Comment