လိူတ်ႈမၢၵ်ႇႁူဝ်ၸႂ်

မီးပွၵ်ႈၼုိင်ႈ ၵူၼ်းၸၢႆးမၢဝ်ႇႄလႈ ယိင်းသၢဝ်ၶဝ်သွင်ေၵႃႉပဵၼ်ေၵႃႉႁၵ်ႉၵၼ် ပဵၼ်ေၵႃႉႁၵ်ႉၵၼ်မႃးေၵႃႈႁိုင်လၢႆပီယူႇ၊ ၵူႈဝၼ်ႈၵူႈဝၼ်းၼၼ်ႉ ၶဝ်သွင်ေၵႃႉလၢတ်ႈေတႃႇၵၼ်ဢမ်ႇသုတ်းသဵင်ႈလႆႈ ၽွင်းယူႇၵႆၵၼ်ၼၼ်ႉ သူင်ႇ လိၵ်ႈ သူင်ႇmessageၸူးၵၼ်ၵူႈၸူဝ်ႈမွင်း ၽွင်းယၢမ်းယူႇၸမ်ၵၼ်ေၵႃႈလွင်ႈတၢင်းႁၵ်ႉၼိုင်ႈၶႅၼ်းၼမ် လွင်ႈတၢင်းႁၵ်ႉၶဝ်သွင်ေၵႃႉၼႆႉ မီးၶၼ် ပၼ်လႆႈႁႅင်းၸႂ် ပၼ်လႆႈတၢင်းဢုၼ်ႇၸႂ် မိူင်းၵူၼ်းၼႆႉ ေပႃးဝႃႈလႆႈယူႇၸွမ်းၵၼ်ေသ ႁၵ်ႉႁွမ်ၵၼ်ယူႇၼႆ မိူၼ်ဢမ်ႇလူဝ်ႇသင်ထႅင်ႈ တူၺ်းသင်ေၵႃႈႁၢင်ႈလီမူၼ်း ၵိၼ်သင်ေၵႃႈဝၢၼ် သူပ်း ငိၼ်းသဵင်သင်ေၵႃႈ သဵင်ၶတ်းႁူဢၼ်ဝႃႈၼၼ်ႉေၵႃႈႁၢႆလၢႆ ပၼ်ႁႃၵူႈလွင်ႈ ဢၼ်ေတပဵၼ်မႃးေၵႃႈလႅပ်ႈ ေတၶၢမ်ႈပူၼ်ႉလႆႈတင်းသဵင်ႈ  ေပႃးလႆႈယူႇႁိမ်းၸမ်ၵၼ်။

မီးပွၵ်ႈၼိုင်ႈ ေၵႃႉပဵၼ်ၵူၼ်းၸၢႆးမၢဝ်ႇ ဢမ်ႇတွပ်ႇဢမ်ႇတူင်ႉ ဢမ်ႇႁပ်ႉၽူင်းမၼ်းၼၢင်း၊ မၼ်းလွမ်လွမ်မႆႈၸႂ် ၵူဝ်ဝႃႈမီးေသလွင်ႈလွင်ႈဢၼ်မၼ်းၼၢင်းႁဵတ်းလွင်ႈဢမ်ႇထုၵ်ႇၸႂ်ေၵႃႉႁၵ်ႉမၼ်း ၵၢင်ၶမ်ႈမႃးေၵႃႈ ၼွၼ်းဢမ်ႇလႆႈ မၼ်းၼၢင်းလုၵ်ႉမႃးၼင်ႈေသ ၸဵတ်ႉၼမ်ႉတႃဢၼ်လႆႈလူင်းၸွမ်းၵႅမ်ႈမၼ်းၼၼ်ႉယူႇ။ မၼ်းၼၢင်းဝူၼ်ႉ ဝႃႈယွၼ်ႉပိူဝ်ႈလွင်ႈသင် ဢၼ်ႁဵတ်းႁႂ်ႈၵဝ်ႁဵတ်းႁႂ်ႈမၼ်းဢမ်ႇပွင်ႇၸႂ်ၼိူဝ်ၵဝ်ၼႆႉ ၵဝ်ေၵႃႉၼုိင်ႈေၵႃႈဝူၼ်ႉေၵႃႈတိုၼ်းဢမ်ႇဢွၵ်ႇ။ ထိုင်ၵၢင်ၼႂ်မိူင်းလႅင်းမႃး မီးၽူင်းေၵႃႉႁၵ်ႉမၼ်းၼၢင်း ထူဝ်းမႃးႄလႈ ၵိုင်ႉၵၢင်ႉၸူမ်းသိူဝ်းၸႂ် ၵွႃႇႄတႉႄတႉေသ

ၸၢႆး-"ႁလူဝ်"

ယိင်း- "ႁဝ်းယိၼ်းၸူမ်းတႄႉယဝ်ႉ ဢၼ်သူထူဝ်းမႃးၼႆႉ မိူဝ်ႈဝႃးသူပဵၼ်သင်ၵႂႃႇလႃႇ?"

ၸၢႆး- "ႁဝ်းသုၵ်ႉသၵ်ႉ"

မၼ်းၼၢင်းလႆႈငိၼ်းသဵင်ၼႆႉယဝ်ႉေသ လွမ်လွမ်ႁူႉဝႆႉၼႂ်းၸႂ်ဝႃႈ "တိုၼ်းမီးလွင်ႈၽိတ်းေသဢၼ်ဢၼ်ယဝ်ႉ"ၼႆယူႇ ၵူၺ်းၼႃႇ ဢမ်ႇပႆႇတၵ်းေသသင်ေသ ယဵၼ်သီႇသီႇဝႆႉယူႇ။

ၸၢႆး- "ႁဝ်းဢမ်ႇထုၵ်ႇလီလၢတ်ႈေတႃႇၵၼ်ယဝ်ႉ! ၸွင်ႇႁူႉႁိုဝ်?" 

ယိင်း-"သင်ေၵႃး! ယွၼ်ႉသင်လႃႇ!" 

ၸၢႆး- "ၶႂၢင်းပၼ်ႁဝ်းၼႃႈ! မွၼ်းမွၼ်းယဝ်ႉ"

ဝၢႆးေသ မၢဝ်ႇၸၢႆးဢွၼ်ႇၼၼ်ႉ ပိၵ်ႉပႅတ်ႈၽူင်းမၼ်းယဝ်ႉ ယိင်းသၢဝ်ေၵႃႉႁၵ်ႉမၼ်းႄတႉ မိူၼ်ၼင်ႇပိူၼ်ႈဢဝ်သင်လူင်တွႆႇပၼ်ႁူဝ်ၸႂ်မၼ်းယဝ်ႉ ၵိုင်ႉၵၢင်ႉႁူပ်ႇမိူၼ်ၾႆးေသ မႃးမႆႈလုၵ်ႈမၢၵ်ႇႁူဝ်ၸႂ်မၼ်းယဝ်ႉ မဵတ်ႉၼမ်ႉတႃဢွၼ်ႇေၵႃႈလႆလူင်းၸွမ်းၵႅမ်ႈဢမ်ႇထၢတ်ႇဢမ်ႇဝႆၢး မိူင်းၵူၼ်းၼႆႉလပ်းသိင်ႇၽိတ်း လပ်းမိုတ်းတၼ် ဢမ်ႇႁၼ်သင်ယဝ်ႉ ၵၢင်ဝၼ်းတူၵ်းဢမ်ႇတူၵ်းေၵႃႈဢမ်ႇႁူႉ မိူၼ်ၼင်ႇၵူႈလွင်ႈၵူႈဢၼ်မႃးသုမ်ႇမုင်းဝႆႉေသ တိုၼ်းဢမ်ႇပွင်ႇၸႂ်လွင်ႈလႂ်ယဝ်ႉ မူိင်းၵူၼ်းၼႆႉ တၼ်တိၵ်းမူတ်းယဝ်ႉ။ 

မၼ်းၼၢင်းေၵႃႈလႆႈပဵၼ်ၵူၼ်းေၵႃႉလဵဝ်လႅဝ်းေသ ပဵၼ်ၵူၼ်းမီးမၢၵ်ႇႁူဝ်ၸႂ်ၸဵပ်းဝၢတ်ႇယွၼ်ႉတၢင်းႁၵ်ႉမၼ်းယဝ်ႉ။ 

မူိဝ်ႈလဵဝ်ႄတႉ မီးလွင်ႈသင်မႃးေၵႃႈ မီးမၢၵ်ႇႁူဝ်ၸႂ်ၸဵပ်းၵႅၼ်းၼႆႉၵူၺ်းယဝ်ႉ ပဵၼ်ေၶႃႈတွပ်ႇပၼ်ၵူႈလွင်ႈလွင်ႈ တိုၼ်းဢမ်ႇမီးသင် တိုၼ်းဢမ်ႇလိူဝ်သင်ယဝ်ႉ ၾဝၸၢတ်ႈပၢၼ်ဢွၼ်ႇမၼ်းၼၢင်းၼၼ်ႉတႄႉ။ ေၶႃႈၵႂၢမ်းဢၼ်ဝႃႈ"ႁဝ်းဢမ်ႇထုၵ်ႇလီလၢတ်ႈေတႃႇၵၼ်ယဝ်ႉ"ၼႆၼၼ်ႉ မၼ်းမိူၼ်မၢၵ်ႇႁိၼ်လူင်ၽတ်ႉသႂ်ႇႁူဝ်ၸႂ်မၼ်းၼၢင်းဝႆႉေသ မိူၼ်ၼင်ႇဝႃႈမၢၵ်ႇႁူဝ်ဢၼ်မီးဝႆႉတီႈဢွင်ႈၵဝ်ႇမၼ်းၼၼ်ႉ လႅပ်ႈေတဝႅၼ်တိုပ်ႈဢွၵ်ႇမႃးတီး ၼႃႈဢူၵ်းမၼ်းၼၢင်းယဝ်ႉ။ 

"မၼ်းပဵၼ်ၵူၼ်းေၵႃႉလဵဝ် ၼႂ်းၸၢတ်ႈပၢၼ်ၵဝ်! ယွၼ်ႉသင်? ယွၼ်ႉသင်? ယွၼ်ႉသင်?" သဵင်လၢတ်ႈဢွၼ်ႇမၼ်း ဢွၵ်ႇတီႈသူပ်းမႃးၵမ်းဢိတ်းဢိတ်းေသ ႁွင်ႉသႅၼ်ႇဝႃႈ "ယွၼ်ႉသင်"ၼႆႁႅင်းႁႅင်းယူႇႁင်းၵူၺ်းမၼ်းယဝ်ႉ။ မၼ်းၼၢင်းၸင်ႇႁႃတၢင်းဝူၼ်ႉတႃႇေတႁႂ်ႈေၵႃႉႁၵ်ႉဢွၼ်မၼ်း ပွၵ်ႈမႃးၶိုၼ်းၸူးမၼ်းယဝ်ႉ။ 

မၼ်းၶတ်းၸႂ်ထူဝ်းႁႃမၼ်းေၵႃႉႁၵ်ႉမၼ်းထႅင်ႈၵမ်းၼိုင်ႈ

ယိင်း-"ႁႆး"

ၸၢႆး-"ႁွင်ႉမႃးႁဵတ်းသင်"

ယိင်း-"ႁဝ်းမီးလွင်ႈၶႂ်ႈလၢတ်ႈ"

ၸၢႆး- "လၢတ်ႈလႆႈႉႉႉႉႉ"

ယိင်း-"မူိဝ်ႈႁဝ်းပႆႇၵိုတ်းလွင်ႈလၢတ်ႈတႃႇၵၼ်ၼႆႉ ၶႂ်ႈႁႂ်ႈသူႁူႉဝႆႉလွင်ႈၼိုင်ႈ" 

ၸၢႆး-"လၢတ်ႈႄလႈ"

ယိင်း-"ၸွင်ႇသူပဵၼ်သင်ယူႇႁ"

မၼ်းၼၢင်းၶိုၼ်းဝူၼ်ႉဝႃႈ ႁဵတ်းႁို်ဝ်ေၵႃႈမၼ်းေတဢမ်ႇၶႂ်ႈထွမ်ႇဢၼ်ၵဝ်လၢတ်ႈၼႆေသ လၢႆႈၵႂၢမ်းပႅတ်ႈယဝ်ႉ။

မၼ်းၼၢင်းတႅမ်ႈလိၵ်ႈဝႆႉၼိူဝ်ၽိူၼ်ေသ လႅၼ်ႈဢွၵ်ႇႁိူၼ်းၵႂႃႇ ဝၢႆးၼၼ်ႉ ႁႃႈၸူဝ်ႈမွင်း မီးသဵင်ၽူင်းလင်ယူႇၼႂ်းႁွင်ႈၸၢႆးမၢဝ်ႇၼၼ်ႉယဝ်ႉ "ႁဵတ်းႁိုဝ်ေၵႃႈပဵၼ်ေၵႃႈပဵၼ်မၼ်းၼၢင်းထႅင်ႈယဝ်ႉ" ၼႆ မၼ်းၸၢႆးဝူၼ်ႉ။ 

ၼၢင်းယိင်းဢွၼ်ႇႄတႉ ယွၼ်ႉထုၵ်ႇၺႃးၵႃးၽႃႇေသ ၼွၼ်းယူႇတီႈၼိူဝ်ၵူႇ တီႈႁူင်းယႃဝႆႉယဝ်ႉ၊ 

ၸၢႆးမၢဝ်ႇဢွၼ်ႇ ေၵႃႈၼႅတ်ႈၵႂႃႇထိုင်ႁူင်းယႃတီႈဢၼ်ေၵႃႉႁၵ်ႉမၼ်းၸၢႆးယူႇဝႆႉၼၼ်ႉယဝ်ႉ။ 

မၼ်းၼၢင်းမုိၼ်းတႃမႃးေသ ၼႂ်းသၢႆတႃဢွၼ်ႇမၼ်းၼၢင်းေၵႃႈလႆႈႁၼ်ေၵႃႉႁၵ်ႉမၼ်းၼၢင်းဝႆႉယူႇ။ 

ၸၢႆး-"ၶႂၢင်းပၼ်ႁဝ်းဢိတ်းၼိုင်ႈၼႃႈ တင်းမူတ်းၼႆႉပဵၼ်တၢင်းၽိတ်းႁဝ်းယဝ်ႉ ႁဝ်းပၼ်ေၶႃႈမၼ်ႈၵႅၼ်ႇလႆႈယူႇ သင်ဝႃႈသူၶႅၼ်းမႃးယဝ်ႉၼႆ ႁဝ်းေတဢမ်ႇႁဵတ်းႁႂ်ႈသူလႆႈတိူဝ်ႉၸႂ်ထႅင်ႈ 

ယိင်း-"ႁဵတ်းႁိုဝ်ေၵႃႈႁဝ်းမီးတၢင်းေတလီၶိုၼ်းယဝ်ႉ"

ၸၢႆး-"ဢမ်ႇ ဢမ်ႇလူဝ်ႇလၢတ်ႈၸိူင်ႉၼၼ်ၼႃသူ"

ယိင်း-"သူလၢတ်ႈမႃးတူၺ်းလူး ယွၼ်ႉသင်သူလၢတ်ႈၼိူဝ်ႁဝ်းၸိူင်ႉၼၼ်?"

မၼ်းၸၢႆးလၢတ်ႈႄၼလွင်ႈမၼ်းၸၢႆးမီးလူမ်းမၢၵ်ႇႁူဝ်ၸႂ် ဢမ်ႇသၢင်ႇထုၵ်ႇၸၢင်ႈထိုင်တၢႆၵွၼ်ႇယဝ်ႉ ဢၼ်ၼႆႉ ဢမ်ႇၶႂ်ႈႁႂ်ႈေၵႃႉႁၵ်ႉမၼ်းလႆႈမီးလွင်ႈမႆႈၸႂ်ၸွမ်းၸၵႂႃႇၸိူဝ်းၼၼ်ႉယဝ်ႉ။ 

ၸၢႆး-"ႁဝ်းႁဵတ်းၸိူင်ႉၼၼ် ယွၼ်ႉဝႃႈႁဝ်းႉႉႉႉႁဝ်းႁၵ်ႉသူ" 

ယိင်း-"ႁဝ်းေၵႃႈႁၵ်ႉသူမိူၼ်ၵၼ်"

ဝႆၢးသေၼၼ်ႉေၵႃႈ မၢၵ်ႇႁူဝ်ၸႂ်ဢွၼ်ႇမၼ်းၼၢင်းၵိုတ်းၵႂႃႇပႅတ်ႈယဝ်ႉ။ 

ၸၢႆး-"ဢူဝ်ႉႉႉႉမၼ်းတၢႆယဝ်ႉလူး"

ဝၢႆးၼၼ်ႉထႅင်ႈသိပ်းမိၼိတ်ႉ မၼ်းၸၢႆးေၵႃႈ လႆႈတၢႆၵႂႃႇယွၼ်ႉလူမ်းႁူဝ်ၸႂ်မၼ်းၸၢႆးယဝ်ႉ။ 

မၼ်းၸၢႆးေတႁဵတ်းႁိုဝ်ယူႇလႆႈ ယွၼ်ႉပိူၼ်ႈတၢင်းဝူၼ်ႉမၼ်း ဢၼ်မၼ်းႁဵတ်းလႆႈၼိူဝ်ေၵႃႉႁၵ်ႉမၼ်းယဝ်ႉလႃႇ

တွၼ်ႈသွၼ်

သင်ဝႃႈၸဝ်ႈၵဝ်ႇႁၵ်ႉၵူၼ်းေသၵေႃႉၵေႃႉၸိုင် ယႃႇေပႁူၼ်လင်ယွၼ်ႉၸႂ်ၸဝ်ႈၵဝ်ႇပဵၼ်ၼၼ်ႉလႃႈ ယွၼ်ႉပိူဝ်ႈဝႃႈ တၢင်းႁၵ်ႉၼႆႉ ပဵၼ်ပိုၼ်ႉထၢၼ်လွင်ႈတၢင်းတႃႇေတလိပ်းၶီးၵႂႃႇယဝ်ႉ မၼ်းဢမ်ႇၸႂ်ႈတၢင်းႁၵ်ႉၼႆႉပဵၼ်လွင်ႈတၢင်း တႃႇေတတၢႆ။

ပိၼ်ႇတႅမ်ႈ ၶိင်းတႆး