ၶၼ်ၸင်ႈယင်ႇတူၺ်းလွင်ႈၶဵင်ႇတႃႉ ဢၼ်တွၼ်ႉယၼ်ႇၸႂ်

A value of challenging hope

တေၶတ်းၸႂ်ၶဝ်ႈယူႇတူၺ်းၵူႈလွၵ်း

တေႁူၼ်လင်ႁိုဝ်တေတိုင်ႈၼႃႈ

ဢမ်ႇဝႃႈတေပွႆႇၽႃႈႁိုဝ် တေပူတ်းပွႆႇ
ၼႂ်းၸႂ်တိုတ်းလွင်ႈဢွႆႇႁွႆႈယၢပ်ႇယဵၼ်းၵေႃႈ
ဢမ်ႇဝႃႈလႆႈလေႃႇ ဝၼ်းၼိုင်ႈၼႆ။

လွင်ႈၽွမ်ႉႁႃး လႄႈ လွင်ႈမိူၼ်ၸႂ်မၼ်းပိူင်ႈၵၼ်လိူဝ်
လွင်ႈၶွင်ႈၶမ်မၼ်းလႄႈ လွင်ႈၶွင်ႉၶမ်ႁႃးပႅၵ်ႇၵၼ်ၼႃႇၼႆၵေႃႈ
မၢႆတွင်းဢၼ်ဝႃႈႁႃးမိူၼ်ၵၼ်တိုၼ်းမီးမႃးယဝ်ႉလႄႈ
မၢႆတွင်းၵေႃႈ တေပဵၼ်လႆႈတီႈမၢႆတွင်းၵူၺ်းၵေႃႈ တေယၢတ်ႇၼမ်ႉၸွမ်းလႆႈယူႇ။
ၸိူဝ်ႉလိူတ်ႈလႄႈ ၸိူဝ်ႉႁူဝ်ၸႂ်
တႅၵ်ႇယႅၵ်ႈငၢၵ်ႈပဵၼ်ၽၢႆႇၽႆၢႇ
ဢမ်ႇၵၢႆႇၵွင်ႉၵၼ်လႆႈၵေႃႈ သင်ၶဝ်ပွင်ႇၸႂ်
ဢမ်ႇမီးလွင်ႈလႂ်တေယၢပ်ႇယဵၼ်း။
လွင်ႈႁၢင်ႇႁၢႆၵႂႃႇၸွမ်းလူၺ်ႈဢမ်ႇမုင်ႈမွင်း
ဢမ်ႇၼၼ် ဢမ်ႇမုင်ႈမွင်းသေမႂ်းတေႁၢႆ
ဢမ်ႇသေလၢႆႁိုဝ်ယူႇလႆႈ
ၵူၺ်းၼႃႇဢၼ်ၶႂ်ႈမွၵ်ႇၸိုင်
ပိုၼ်းဢၼ်ႁိုင်လိူဝ်သေဢၼ်ယၢမ်ႈမီး
တေၶႂ်ႈဢီးပၢၵ်ႈပဵၼ်ပိုၼ်းမႂ်ႇ
သင်ပေႉၸႂ်ၵေႃႈၵဝ်ဢမ်ႇသီး။
တႃႇဢဝ်ပုၼ်ႈၽွၼ်းၵၢၼ်ပုၼ်ႈပၢင်ႈ
ယၢင်ႈငႃဝႆႉလႆၢလွၵ်းလၢႆတိၼ်
ဢမ်ႇပႃးလွင်ႈၶမ်ၸႂ်ၶိၼ်ၸႂ်
ဢမ်ႇၼၵ်းၸႂ်ၵူႈလွင်ႈတေပဵၼ်
ၶဵၼ်ၶေႃႈၵႂၢမ်းၸိူဝ်းတေလၢတ်ႈထိုင်
ႁိုင်ၵေႃႈဢမ်ႇထိုင်ၶဵင်ႇၵမ်ႇၽႃႇ
ၶေႃႈၵႂၢမ်းယွင်ႈတေယုၵ်ႉတိုင်ႈ
ၵေႃႉႁၼ်လီ ၶဝ်တေဢဝ်ပုၼ်ႈၽွၼ်း။
သင်ဝူၼ်ႉလွင်ႈၵွင်လင်လီသိုပ်ႇလီ
တေဢမ်ႇၶီၸႂ်လွင်ႈပူၼ်ႉမႃး
သင်ဝူၼ်ႉလွင်ႈလႂ်ၵေႃႈဢၢၼ်းသိူဝ်း
မိူဝ်းၼႃႈၼၼ်ႉဝႆႉပဵၼ်ပုၼ်ႈၽွၼ်းၵေႃႉၸၢႆးလႄႈ။
ႁႃႈပီၼိုင်ႈပွၵ်ႈမၼ်းမႃးၸႂ်း
ႁႃးၺႃးၵၼ်ဢမ်ႇထိုင်ႁႃႈပီ
ၵူၺ်းမိူဝ်းၼႃႈၼၼ်ႉ ပဵၼ်ၸၢတ်ႈပၢၼ်ဢၼ်တေထိုင်
တေယူႇႁိုင်ႁႃႉတေယူႇယွမ်း
ဢၼ်ၸွမ်းၸႂ်မႃးၵေႃႈသုတ်းၸႂ်
တေဢဝ်ၽႂ်မႃးတႅၵ်ႈ
တေဢဝ်ၽႂ်မႃးၼိူင်းလႆႈ ၵၢင်ၸႂ်ဢွၼ်ႇႁႃး ဢၼ်တွၼ်ႉမီးမႃး။
သင်လိူၵ်ႈသီပဵၼ်ၵၢၼ်လမ်ႇလွင်ႈ
သီလိူင်ႁႃးၵျိူၵ်ႈၸႂ်သုတ်းသၼ်
သင်လိူၵ်ႈတၢင်းၵိၼ်ပဵၼ်လွင်ႈယႂ်ႇ
ၸႂ်ပၵ်းသႂ်ႇၽၵ်းၶဵဝ်ပဵၼ်ၸိၵ်း
သင်လိူၵ်ႈတီႈမုင်ႈမၼ်ႈၵၢၼ်မိူင်း
ယိူင်းထိုင်ၸိူဝ်ႉလိူတ်ႈဢမ်ႇထၢတ်ႇ
သင်ယိူင်းထိုင်ၵၢင်ၸႂ်ဢီးလူ
တူၺ်းလူတေမီးၽႂ်မႃးတႅၵ်ႈႁႃးလႆႈ။
ၵၢၼ်မိူင်းႁ ၵၢၼ်ႁူဝ်ၸႂ်
ဢမ်ႇၼၼ်ပဵၼ်ၵၢၼ်လဵၼ်ႈၸိူင်း
မိူင်းၵူၼ်းၼႆႉ မၼ်းၵေႃႈလၢမ်းယၢပ်ႇ
ဢမ်ႇၸႂ်ႈၵၢၼ်လၢမ်းၵေႃႈ ပဵၼ်ၵၢၼ်ပႂ်ႉၶၢဝ်းယၢမ်းလၢႆလၢႆ ႁိုဝ်မီးတီႈပွင်ႇ။
-ပဵၼ်တႃႇၵေႃႉၶၢၼ်ႉလူ-